၂၀၂၅ ခုနှစ်၊ ဇွန်လ ၁ - ၁၅ အတွင်း အဖြစ်အပျက်များစွာထဲမှာ -

• စစ်ကောင်စီကို အရေးယူရန် ILO ညီလာခံ အတည်ပြု

• မဲဆန္ဒနယ် ၁၀၀ အောက်သာ ရွေးကောက်ပွဲ ကျင်းပနိုင်တော့မည်

• သိန္နီမြို့ကို စစ်ကောင်စီထံ ပြန်လွှဲပေးရန် MNDAA သဘောတူထား ဟုဆို

• ပုလဲတွင် ဂျက်ဖိုက်တာတစ်စီးကို တော်လှန်ရေးတပ်များ ပစ်ချ

စသဖြင့် သတင်း ၂၃၇ ပုဒ်ကို ကိုးကားထားပါတယ်။ မြန်မာနိုင်ငံမှာ ငလျင်ဘေးကြောင့် ဆင်းရဲနွမ်းပါးမှုနှုန်း ၂ ဒသမ ၈ ရာခိုင်နှုန်း ထပ်မံမြင့်တက်လာနိုင်တယ်လို့ ခန့်မှန်းလိုက်တဲ့ ကမ္ဘာ့ဘဏ်၊ CRPH ရဲ့ CDM ဆိုင်ရာ နိုင်ငံ့ဝန်ထမ်းဥပဒေ ကို  ပြင်းပြင်းထန်ထန် ကန့်ကွက်ရှုတ်ချလိုက်တဲ့ ဗမာနိုင်ငံလုံး ဆိုင်ရာ ကျောင်းသားသမဂ္ဂများအဖွဲ့ချုပ်၊ တဟုန်ထိုးမြင့်မားနေတဲ့  အထွေထွေ ကုန်စျေးနှုန်းတွေကြောင့် လုပ်ခလစာတိုးမြှင့်ရေး ဆန္ဒပြတောင်းဆိုမှုတွေ ဆက်တိုက်ပြုလုပ်နေကြတဲ့ စက်ရုံအလုပ်သမားတွေ။ စသဖြင့် အဖြစ်အပျက်များစွာကို ခြုံငုံမိစေဖို့ ဖတ်ရှုရမယ့် နှစ်ပတ် တစ်ကြိမ်ထုတ် သတင်းလွှာ ဖြစ်ပါတယ်။