သံရေးတမန်ခြေလှမ်းတွေနဲ့ မြန်မာ့အရေးခေါင်းစဉ်အောက်က ဆွေးနွေးပွဲတွေဟာ ပြည်သူလူထုရဲ့ ဆန္ဒကို ထင်ဟပ်ရဲ့လား။ နေ့စဉ်နဲ့အမျှ ဆုံးရှုံးနေရတဲ့ ပြည်သူတွေရဲ့ အသက်အလီလီ၊ ဘဝအလီလီအတွက် ရှုတ်ချကြောင်းသာ ပြောမနေဖို့ ကမ္ဘာကြီးကို သတိပေး။

နောက်တန်းက စီနီယာ စစ်ခေါင်းဆောင်ဟောင်းတွေကို ဘေကျင်း ချဉ်းကပ်ပုံဟာ တနည်းအားဖြင့် ဂျုနီယာစစ်ခေါင်းဆောင်ရဲ့ ခေါင်းဆောင်မှုအပေါ် မချင့်မရဲ ဖြစ်နေတာလား။

သက်တမ်းနုပေမယ့် သတ္တိရင့်တဲ့ ပြည်သူ့ကာကွယ်ရေး တပ်မတော် (မန္တလေး)ရဲ့ နောင်ချို ရက်ရှည်တိုက်ပွဲ။ တော်လှန်ရေးအင်အားစုတွေရဲ့ စစ်ရေးလှုပ်ရှားမှုတွေ စိပ်လာနေတဲ့ ဧပြီလ။ အဆုံးအဖြတ်နှစ် ၂၀၂၃ ကို သုံးပိုင်း ပိုင်းရင် တစ်ပိုင်းကတော့ ကုန်လေပြီ။ အားလုံးရည်သန်ထားတဲ့ နွေဦးကို မှန်းဆအကဲဖြတ်ဖို့ သတင်းအချက်အလက်တွေနဲ့အတူ ကိုးကားသတင်း ၂၃၁ ပုဒ် ၊ စာမျက်နှာ ၂၁ မျက်နှာ ပါဝင်တဲ့ သတင်းလွှာ ဖြစ်ပါတယ်။