၂၀၂၄ ခုနှစ်၊ ဒီဇင်ဘာလ ၁ - ၁၅ အတွင်း အဖြစ်အပျက်များစွာထဲမှာ -

• သံအမတ်ကြီး ဦးကျော်မိုးထွန်းကို တာဝန် ဆက်လက်ထမ်းဆောင်ရန် ကုလအတည်ပြု

• နိုင်ငံတစ်ဝန်း စစ်ကောင်စီ ထိန်းချုပ်နိုင်သည့် မြို့နယ် ၁၆၁ မြို့နယ်၌ ရွေးကောက်ပွဲလုပ်မည်

• စစ်အာဏာရှင်ပြုတ်ကျရေး အလုပ်ဖြင့်သက်သေပြရန် ယာယီသမ္မတ တိုက်တွန်း

• ရခိုင်တွင် နခခ-၅ ကို AA အပြီးသတ်သိမ်းပိုက်

စသဖြင့် သတင်း ၂၁၂ ပုဒ်ကို ကိုးကားထားပါတယ်။ တရုတ်ဖိအားကြောင့် တွေ့ဆုံဆွေးနွေးခဲ့ရပေမယ့် ဘာရလဒ်မှ မထွက်ခဲ့တဲ့ MNDAA နဲ့  စစ်ကောင်စီတို့ရဲ့ ကူမင်း ဆွေးနွေးပွဲ၊ နိုင်ငံတဝန်း ဆန့်ကျင်တော်လှန်မှုကြောင့် သမိုင်းတွင် လဲပြိုမှုနဲ့  ရင်ဆိုင်နေရပေမယ့် လက်နက်ချ တွေ့ဆုံဆွေးနွေးဖို့ အကြိမ်ကြိမ်ပြောဆိုနေတဲ့ စစ်ခေါင်းဆောင်၊ စစ်ကောင်စီက ကျင်းပတဲ့ ရွေးကောက်ပွဲကို စောင့်ကြည့်ဖို့ ရုရှားလေ့လာသူတွေနဲ့အတူ လုံခြုံရေးတပ်သားတွေပါ စေလွှတ်မယ့် အစီအစဥ်ဟာ မြန်မာပြည်ကို ကျူးကျော်တာသာဖြစ်တယ်လို့ မှတ်ချက်ပြုလိုက်တဲ့  NUCC။ စသဖြင့် ခြုံငုံမိစေဖို့ ဖတ်ရှုရမယ့် နှစ်ပတ် တစ်ကြိမ်ထုတ် သတင်းလွှာ ဖြစ်ပါတယ်။