၂၀၂၆ ခုနှစ်၊ ဇန်နဝါရီလ ၁၆ - ၃၁ ရက်အတွင်း အဖြစ်အပျက်များစွာထဲမှာ -

• စစ်တပ်၏ ရွေးကောက်ပွဲအလွန် ထိတွေ့မှုပုံစံသစ် ထိုင်းအဆိုပြု

• CDM များ ပြန်လာပါက Blacklist ပယ်ဖျက်ပေးမည်ဟု စစ်အုပ်စု ဆို

• အစုဖွဲ့သစ် ဖွဲ့စည်းရန် ဆွေးနွေးနေကြောင်း NUG ပြော

• ဗန်းမောက်မြို့ သုံးပုံ နှစ်ပုံကို စစ်တပ် ပြန်ရ

စသဖြင့် သတင်းပေါင်း ၂၃၅ ပုဒ်ကို ကိုးကားထားပါတယ်။ ICJ ရောက် စစ်ကော်မရှင် ကိုယ်စားလှယ်တွေအနေနဲ့  ဂမ်ဘီယာကို ဘောင်းဘီဇစ် လှစ်ဟပြခဲ့ဖို့ လှုံ့ဆော်လိုက်တဲ့ ကြံ့ခိုင်ရေးပါတီခေါင်းဆောင် ဘူးလက် လှဆွေ၊ ရိုဟင်ဂျာ လူမျိုးသုဉ်းသတ်ဖြတ်မှုကို ဆက်လုပ်မယ်လို့ ဆိုလာတဲ့ စစ်တပ် လက်ဝေခံ မတူကွဲပြားခြင်းနဲ့  ငြိမ်းချမ်းရေးပါတီ ခေါင်းဆောင် နေမျိုးဝေ၊ အမှုရင်ဆိုင်နေဆဲကာလမှာ ICJ တရားရုံးနဲ့ တရားသူကြီးတွေကို မဝေဖန်ဖို့၊ အမုန်းစကား ပြောဆို ရေးသားခြင်း မပြုဖို့ ကိုယ့်လူကိုယ် ပြန်တားနေရတဲ့ စစ်ကော်မရှင်။ အဖြစ်အပျက်များစွာကို ခြုံငုံမိစေဖို့ ဖတ်ရှုရမယ့် နှစ်ပတ် တစ်ကြိမ်ထုတ် သတင်းလွှာ ဖြစ်ပါတယ်။