၂၀၂၆ ခုနှစ်၊ ဇူလိုင်လ ၁ - ၁၅ ရက်အတွင်း အဖြစ်အပျက်များစွာထဲမှာ -

• မြန်မာတွင် အာဆီယံက လူသားချင်း စာနာမှု အကူအညီ ပေးမည်

• ခြေ/ဥ ပြင်ဆင်ချက် ၄၃ ခုကို ဆွေးနွေးရန် ဦးမင်းအောင်လှိုင်က လွှတ်တော်သို့ စာပေးပို့

• အာဆီယံ ကိုယ်စားလှယ်နှင့်တွေ့ဆုံမှု သည် စစ်အုပ်စုနှင့် စေ့စပ်ညှိနှိုင်းမှု စတင်ခြင်းမဟုတ်ဟု SCEF ဆို

• ချောက်မြို့နယ်၌ တိုက်ပွဲဖြစ်၊ PDF ရဲဘော် ၂၀ ကျော် ကျဆုံး

စသဖြင့် သတင်းပေါင်း ၂၂၉ ပုဒ်ကို ကိုးကားထားပါတယ်။ မြန်မာပြည်သူတွေရဲ့ ဒုက္ခကို မျက်ကွယ်ပြုပြီး စစ်အုပ်စုကို ခုံနေရာ ပြန်ပေးဖို့ လိုလိုလားလားရှိနေတဲ့ အဖွဲ့ဝင်နိုင်ငံတချို့ရဲ့ လုပ်ရပ်တွေကို လက်ပိုက်ကြည့်နေတဲ့ အာဆီယံအဖွဲ့။ အာဆီယံ ဘုံသဘောတူညီချက် ငါးရပ်ဟာ မြန်မာနိုင်ငံရဲ့ လက်ရှိပကတိ နိုင်ငံရေးအခြေအနေနဲ့ ကိုက်ညီမှုမရှိဘူး ဆိုပြီး ပြန်လည်သုံးသပ် ဆောင်ရွက်ပေးဖို့ အဆိုတင်သွင်းလိုက်တဲ့ စစ်အုပ်စု သြဇာခံ လွှတ်တော်။ မြန်မာ့ငြိမ်းချမ်းရေး ဖြစ်စဉ်မှာ မြေပြင်မှာရှိတဲ့ တရားဝင်နိုင်ငံရေးအာဏာပိုင်တွေကို အသိအမှတ်ပြုပြီး မလွဲမသွေထိတွေ့ဆက်ဆံဖို့  အာဆီယံကို အလေးအနက် သတိပေးလိုက်တဲ့  SCEF။ အဖြစ်အပျက်များစွာကို ခြုံငုံမိစေဖို့ ဖတ်ရှုရမယ့် နှစ်ပတ် တစ်ကြိမ်ထုတ် သတင်းလွှာ ဖြစ်ပါတယ်။