၂၀၂၅ ခုနှစ်၊ သြဂုတ်လ ၁ - ၁၅ ရက်အတွင်း အဖြစ်အပျက်များစွာထဲမှာ -

• စစ်တပ်သုံးဒရုန်းတွင် EU ထုတ် နည်းပညာ အသုံးပြု

• မဲဆန္ဒနယ်မြေများ စစ်ကော်မရှင် ရွေး/ကော် ထုတ်ပြန်

• ဗိုလ်ချုပ်ဂွန်မော်၊ NUG နှင့် တော်လှန်ရေးအင်အားစုများ သီးခြားစီ တွေ့ဆုံ

• မိုးကုတ်မြို့တွင် ဘုန်းကြီးကျောင်း ဗုံးကြဲခံရ၊  ၂၁ ဦး သေဆုံး

စသဖြင့် သတင်းပေါင်း ၂၃၃ ပုဒ်ကို ကိုးကားထားပါတယ်။ တော်လှန်ရေး ခရီးမတွင်၊ ရှေ့မရောက်ဖြစ်နေတဲ့ အခြေအနေကို အမြန်ဆုံးပြောင်းလဲပြီး မဟာမိတ်တပ်ပေါင်းစု ဖွဲ့စည်းဖို့ လိုအပ်နေတဲ့ တော်လှန်ရေးအင်အားစုတွေ၊   ဆန္ဒမဲပေးသူ မည်မျှရှိမှ ရွေးကောက်ပွဲအောင်မြင်မယ်လို့ ဥပဒေ သတ်မှတ်မထားဟုဆိုကာ ၎င်းတို့၏ တရားမဝင် ရွေးကောက်ပွဲကို မဖြစ် ဖြစ်အောင် ပြုလုပ်ဖို့ ကြိုးစားနေတဲ့ စစ်ကော်မရှင်၊ စစ်ကော်မရှင်တပ်ရဲ့ ဖိနှိပ်မှုနဲ့ အထွေထွေ အကျပ်အတည်းတွေကြောင့် ကိုယ့်ကိုယ်ကိုယ် အဆုံးစီရင်ပြီး ထွက်ပေါက်ရှာဖွေနေကြရတဲ့ မြန်မာလူထုဘဝ။ စသဖြင့် အဖြစ်အပျက်များစွာကို ခြုံငုံမိစေဖို့ ဖတ်ရှုရမယ့် နှစ်ပတ် တစ်ကြိမ်ထုတ် သတင်းလွှာ ဖြစ်ပါတယ်။