၂၀၂၄ ခုနှစ်၊ သြဂုတ်လ ၁၆ - ၃၁ အတွင်း အဖြစ်အပျက်များစွာထဲမှာ

• စစ်ကောင်စီကို ဆက်မတိုက်ရန် တရုတ်က TNLA ထံ  စာပို့ ခြိမ်းခြောက်

• နိုင်ငံတဝန်းရှိ PDF များကို နှစ်လအတွင်း နှိမ်နင်းရန် စစ်ခေါင်းဆောင် အမိန့်ပေး

• မည်သည့်နိုင်ငံ၏ ဩဇာခံမျှ မဟုတ်ဟု NUG ပြော

• သပိတ်ကျင်းမြို့ကို PDF ပူးပေါင်းတပ်များ သိမ်းပိုက်

စသဖြင့် သတင်းပေါင်း ၂၅၂ ပုဒ်ကို ကိုးကားထားပါတယ်။ အတိုင်းအတာတစ်ခုအထိ ခရီးပေါက်လာတဲ့ နွေဦး တော်လှန်ရေးကို ပြင်းပြင်းထန်ထန် ခြိမ်းခြောက်လိုက်တဲ့ တရုတ်ရဲ့လုပ်ရပ်ဟာ စစ်အာဏာရှင် သက်ဆိုးရှည်ရေး အတွက် ဦးတည် ခြေလှမ်းနေပြီလား၊ ပြည်သူ့စစ်မှုထမ်းဥပဒေအပြင်  ပြည်သူ့လုံခြုံရေးစနစ်ကိုပါ အသက်သွင်းပြီး ပြည်သူ တစ်ရပ်လုံးကို သတ်ကွင်းထဲပို့နေတဲ့ စစ်အုပ်စုရဲ့ ရက်စက်ကြမ်းကြုတ်မှုမှာ အလိုတူအလိုပါခဲ့တဲ့ ကြံ့ခိုင်ရေး ပါတီ၊ စစ်ကောင်စီက ကျင်းပဖို့ ပြင်ဆင်နေတဲ့ ရွေးကောက်ပွဲကို အသိအမှတ်မပြုဖို့နဲ့  မြန်မာ့ပြဿနာဟာ ဒေါ်အောင်ဆန်းစုကြည်နဲ့ တွေ့ဆုံဆွေးနွေးခြင်းမပြုဘဲ ပြေလည်နိုင်ဖို့မရှိဘူးလို့ ပြောဆိုလိုက်တဲ့ NLD။ စသဖြင့် ခြုံငုံမိစေဖို့ ဖတ်ရှုရမယ့် နှစ်ပတ် တစ်ကြိမ်ထုတ် သတင်းလွှာ ဖြစ်ပါတယ်။