၂၀၂၅ ခုနှစ်၊ ဇန်နဝါရီလ ၁ - ၁၅ အတွင်း အဖြစ်အပျက်များစွာထဲမှာ -

• တရုတ်ကွန်မြူနစ်ပါတီက မြန်မာ့အရေး တံခါးပိတ်ဆွေးနွေး

• နိုင်ငံရေးနည်းလမ်းဖြင့် ဖြေရှင်းရန် စစ်ခေါင်းဆောင် ထပ်မံဖိတ်ခေါ်

• တော်လှန်ရေးခရီး မြန်မြန်လျှောက်ရန် NUG တိုက်တွန်း

• ရခိုင်တွင် ကျောက်နီမော်ရွာ ဗုံးကြဲခံရ၊ ၄၁ ဦးသေဆုံး

စသဖြင့် သတင်း ၂၂၇ ပုဒ်ကို ကိုးကားထားပါတယ်။ လူကုန်ကူးမှု၊ အွန်လိုင်းငွေကြေးလိမ်လည်မှုတို့ကြောင့် ကမ္ဘာလုံး ဆိုင်ရာ ခြိမ်းခြောက်မှုဖြစ်လာနေတဲ့ မြဝတီမြို့က ကျားဖြန်လုပ်ငန်းတွေ၊ တဖြည်းဖြည်း မြင့်တက်လာတဲ့ အညာဒေသ စစ်ရေးလှုပ်ရှားမှုတွေနဲ့အတူ စစ်ကိုင်းတိုင်းမှာ အစိုးရအဖွဲ့ရုံးတွေ အခြေစိုက်တော့မယ့် NUG၊ နိုင်ငံတဝန်း တိုးပွားလာ နေတဲ့ လုယက်မှု၊ ခိုးမှု၊ ပြန်ပေးဆွဲမှု၊ ဓားပြတိုက်မှုတွေနဲ့အတူ လူမှုဘဝ ဒုက္ခအထွေထွေကို ရင်ဆိုင်နေရတဲ့ ပြည်သူ လူထု။ စသဖြင့် အဖြစ်အပျက်များစွာကို ခြုံငုံမိစေဖို့ ဖတ်ရှုရမယ့် နှစ်ပတ်တစ်ကြိမ်ထုတ် သတင်းလွှာ ဖြစ်ပါတယ်။