၂၀၂၄ ခုနှစ်၊ မတ်လ ၁ - ၁၅ အတွင်း အဖြစ်အပျက်များစွာထဲမှာ -

• ထိုင်းလွှတ်တော်တွင် ကျင်းပသည့် မြန်မာ့အရေးဆွေးနွေးပွဲ NUG တက်ရောက်

• နိုင်ငံတဝန်း စစ်မှုထမ်းဥပဒေနှင့် အကျုံးဝင်သူများ စာရင်းကောက်ယူ

• လောက်ကိုင်မြို့က ဗမာတန်းကို MNDAA ဖယ်ရှား

• တန့်ဆည်တွင် လူ ၁၁ ဦးကို စစ်တပ်က အပိုင်းပိုင်း ခုတ်သတ်

စသဖြင့် သတင်းပေါင်း ၂၄၄ ပုဒ်ကို ကိုးကားထားပါတယ်။ တရုတ်အလိုကျ မလွှဲမရှောင်သာ ဆောင်ရွက်နေရတဲ့ မြောက်ပိုင်းညီနောင်မဟာမိတ်အဖွဲ့ ဟာ နွေဦးတော်လှန်ရေး ရည်မှန်းချက်ကို အကောင်အထည်ဖော်နိုင်ပါ့မလား၊ မြန်မာ့အရေးချဉ်းကပ်ပုံ အရွေ့အပြောင်း အနည်းငယ်ရှိလာတဲ့ ထိုင်းနဲ့ အိန္ဒိယ၊ အိမ်ပေါက်စေ့ တံခါးခေါက်လာတဲ့ စစ်မှုထမ်းဥပဒေကြောင့် စိုးရိမ်ပူပန်မှု အမြင့်ဆုံးရောက်ရှိနေတဲ့ မြန်မာပြည်သူတွေ၊ စစ်ကောင်စီတပ်စခန်းတွေကို မြန်မြန် ဆန်ဆန် တိုက်ခိုက်သိမ်းပိုက်နေတဲ့ ကချင်စစ်မျက်နှာ၊ စသဖြင့် ခြုံငုံမိစေဖို့ ဖတ်ရှုရမယ့် နှစ်ပတ် တစ်ကြိမ် ထုတ် သတင်းလွှာဖြစ်ပါတယ်။