၂၀၂၄ ခုနှစ်၊ စက်တင်ဘာလ ၁ - ၁၅ အတွင်း အဖြစ်အပျက်များစွာထဲမှာ -

• စစ်ခေါင်းဆောင်များကို ဖမ်းဝရမ်းထုတ်သည့်အခါ ပူးပေါင်းပါဝင်ပေးရန် တိုက်တွန်း

• TNLA၊ MNDAA နှင့် AA ကို အကြမ်းဖက်အဖွဲ့များအဖြစ် စစ်ကောင်စီ ကြေညာ

• ရခိုင်တွင် စစ်တပ်က ဗုံးကြဲ၍ စစ်သုံ့ပန်းများအပါအဝင် အကျဉ်းသား ၅၀ ကျော် သေ

• မောင်ရွှေလေး ရေတပ်စခန်းကို AA အပြီးသတ် သိမ်းပိုက်

စသဖြင့် သတင်း အပုဒ် ၂၂၀ ကို ကိုးကားထားပါတယ်။ စစ်ကောင်စီ ပြိုလဲမသွားစေဖို့ ပြောင်ပြောင်တင်းတင်း ကူညီပေးနေတဲ့ တရုတ်အစိုးရရဲ့ ဆိတ်ခေါင်းချိတ်ပြီး ခွေးသားရောင်းတဲ့ လုပ်ရပ်၊ အာရက္ခတပ်တော် (AA) အပြင် ချင်းပြည်နယ်က လက်နက်ကိုင်အဖွဲ့တွေအားလုံးနဲ့ မိတ်ဆွေဖြစ်ဖို့ လိုတယ်လို့ ထုတ်ဖော်ပြောဆိုလိုက်တဲ့ အိန္ဒိယနိုင်ငံ၊ မီဇိုရမ်ပြည်နယ်ဝန်ကြီးချုပ် လာဒူဟိုးမား၊ နိုင်ငံတဝန်း ပြင်းထန်တဲ့ ရေလွှမ်းမိုးမှု ဖြစ်ရပ်ဆိုးတွေအပေါ်  ကြိုတင် ပြင်ဆင်မှုလည်း မရှိ၊ ထိရောက်တဲ့ ကူညီကယ်ဆယ်မှုလည်း မရှိတဲ့ အာဏာသိမ်း စစ်ကောင်စီ၊ စသဖြင့် ခြုံငုံမိစေဖို့ ဖတ်ရှုရမယ့် နှစ်ပတ် တစ်ကြိမ်ထုတ် သတင်းလွှာ ဖြစ်ပါတယ်။